Microsoft het aangekondig dat sy Mobile Information Server (MIS) nou plaaslik beskikbaar is, nadat die produk verlede week by Microsoft Tech Ed in Amerika bekend gestel is.
MIS brei e-pos en ander korporatiewe toepassings uit van die kantoor na die mobiele gebruiker deur draadloseapplikasieprotokol (WAP) en HTTP-ontsperde koordlose toestelle. Dit is beskikbaar in 'n ondernemings- of draerformaat. Die draeruitgawe word reeds deur drie plaaslike sellul^ere operateurs ondersoek.
Die draeroplossing (CE) bied veilige soklaag- (SSL) sekuriteit vir transaksies wat met mobiele toepassings gedoen word, wat beteken dat sellul^ere diensverskaffers e-handel en transaksionele toepassings veilig op hul netwerke kan hanteer. Hulle sal ook dienste soos e-postoegang aan hul kli"ente kan bied.
Die ondernemingsuitgawe (EE), wat ontwerp is vir gebruik op die korporatiewe vlak, stel gebruikers in staat om e-pos te ontvang en te stuur en kontakte na te spoor. Die uitgawe stel gebruikers ook in kennis van take en geleenthede vanaf Exchange-omgewings.
MIS EE kom met twee toepassings, Outlook Mobile Access (OMA) en Microsoft Outlook Mobile Manager. Lisensies kos $15 per setel, of $75 per setel met OMA, wat integrasie met die Exchange-bediener toelaat en die koste van die Exchange CAL-lisensie insluit.
"Bykans 45% van alle korporatiewe instellings in SA het aangedui dat hulle in mobiele tegnologie belang stel," s^e Desmond Nair, produkbemarkingsbestuurder van Microsoft Suid-Afrika. "MIS stel jou in staat om meer as net webdienste te h^e - jy kan daardie dienste na mobiele toestelle uitbrei."
Share
